Balio nagusiak Inprimatu

• Jatorriz endorreikoa (isurbide naturalik gabekoa) aintzirak izaera hori galdu du eta egun erregulatutako urtegi bat da, eusteko dike baten bidez eta drainatzeko ubideen bidez erregulatua. Hain zuzen, inguru horretako lurrak ureztatzeko erregulatzen da ura. Kasu honetan, gizakiak esku hartzeak lagundu egin du balio handiko toki hau bere horretan egotean.

Las Cañas

• Iparraldeko muturrean, lertxun gorriak eta amiltxoriak penintsulan duten banaketan kokaleku estrategikoa du, eta oso urrun dago amiltxoriak dituen gainerako kolonietatik.

Las Cañas

• Ramsarko Hitzarmenaren arabera, zenbait baliok eta ezaugarrik nazioarteko garrantzia ematen diote hezeguneari: amiltxoriaren eta lertxun gorriaren bikote ugaltzaileak daude, txori zezenak daude eta bai uroilanden hiru espezie ere.

• Nafarroan txori zezenaren egoera lehengoratzeko planaren zirriborroak Nafarroan zezen txoriarentzako eremu kritikotzat hartzen du urtegia, negua igarotzen duelako bertan eta migratzeko igarobide delako.

• Nafarroan izan ohi diren koartza espezie guztiak aurki daitezke Las Cañas urtegian urtean zehar, baina azpimarragarriena bertako komunitate ugaltzailea da. Urteen arabera gehiago edo gutxiago izaten badira ere, hazkuntza garaian koartza gorria, koartzatxo txikia, koartzatxo itzaina, koartza hauskara, amiltxori arrunta eta amiltxori txikia ikus daitezke.

Las Cañas

• Biodibertsitatea zaintzeko Natura 2000 Europako Sarean sartuta dago. Erreserbako landaredi komunitateetan Europa mailako intereseko habitat maila duten 11 komunitate botaniko katalogatu dira. 

• Urtegian batez ere uretako hegazti espezie habiagileak dira nabarmentzekoak. Nafarroako hezeguneen artean lehen mailan dago espezie habiagileei dagokienez eta bigarrena da (lehenbizikoa ere bada zenbait urtetan) uretako hegazti negutarren aberastasunari dagokionez.


Las Cañas

• Lehenago aipatu diren espezie horiez gain, zingira-mirotzak bertan negua igarotzen duela nabarmendu behar da, migrazio garaian arrano arrantzalea egoten dela, zangaluzeen arteko zenbait espezie bertan ugaltzen direla eta zingira paseriformeek lezkadia erabiltzen dutela. Era berean, interes berezia du zingira-berdantzaren populazio ugaltzaileak eta tximutxaren populazio egonkorrak.

Las Cañas

• Gainera, ornogabeen eta anfibio eta narrastien komunitate handiak ditu, nagusiki mediterranearrak. Hori dela-eta, Espainian egin zen Anfibio eta Narrastientzako Eremu Garrantzitsuen Lehen Inbentarioan sartu zuten inguru hau.

Las Cañas